«BAUYRSAQ PARTY»

Наурыз айы – қазақ халқы үшін атаулы мерекелерге толы. Солардың бірі – 17 наурыз «Тарихқа тағзым  күні». Әдеп-ғұрып, салт-жоралғыны біліп өскен ұрпақ – ең тәлімді, тағылымды, ұлтының дәстүрін дәріптейтін ұрпақ болары даусыз. Мектепте өткізілген әрбір танымдық, мазмұндық шараның бала дамуында, оның болашағында маңызы зор. Дәстүрін, салтын, ұлттық болмысын танитын, бағалайтын жастарды тәрбиелеу – біздің айқын мақсаттарымыздың бірі. 
Бүгін "№5 мектеп-гимназия" КММ өзін-өзі басқару ұйымының мүшелері бауырсақтың бірнеше түрлерін пісіріп «BAUYRSAQ PARTY» ұйымдастырды.
Бауырсақ – қазақ дастарқанының басты наны. Олар “майбауырсақ”, “арғын бауырсақ”, “ақ бауырсақ”т.с.с. бірнеше түрін пісіріп үлкен үзілісте жәрменке жасап, түскен қаражатқа «Игі істер» күніне орай «ШАҢЫРАҚ» әлеуметтік орталығына көмек көрсетпек.