Абай Құнанбаевтың 175-жылдығы

2020 жылдың 25желтоқсанында  Абай Құнанбаевтың 175-жылдық мерейтойын қорытындылай келе, «№5 мектеп-гимназия» КММ директордың тәрбие ісі жөніндегі орынбасары Кульджабева А.О. ұйымдастыруымен «Абай –дана, Абай- дара қазақта!» тақырыбында онлайн-семинар өтті. Аталған іс-шараға Алматы қаласы, Әуэзов ауданы мектеп  директорларының тәрбие ісі жөніндегі  орынбасарлары  қатысты. Семинарды мектебіміздің директоры Жайлыбаева Б.У. құттықтау  сөзімен ашып берді. Семинар барысында көркем еңбек пәні мұғалімдері Сырттанбеков Б.К. пен Шаибозова Т.Р. өз тәжірибесінен шеберлік сағатын көрсетті. Музыка пәні мұғалімі Каракабакова М.Б. «Май түні» күйін орындап және оқушыларымыз  Абайдың шығармалары мен қарасөздерінен үзінділер оқыды. Сонымен бірге  Абай Құнанбаевтың 175-жылдығын атап өту аясында  атқарылған жұмыстарға шолу жасалды.